Thumbnail Image

Низоми обёрии зироатҳои кишоварзӣ бо назардошти тағйирёбии иқлим ва банақшагирии ҳосилнокӣ










Also available in:
No results found.

Related items

Showing items related by metadata.

  • Thumbnail Image
    Booklet
    Дастур оид ба ҳисоббрории реҷаи обёрии зироатҳои кишоварзӣ бо назардошти тағйирёбии иқлим ва банақшагирии ҳосилнокӣ 2022
    Also available in:
    No results found.

    Нашрияи пешниҳодшуда барои тартиб додани низоми обёрии зиратҳои кишоварзӣ ҳангоми ба нақша гирифтани ҳосилнокии онҳо бо назардошти тағйир ёфтани иқлим пешбинӣ шудааст. Дар он алгоритми ҳисоббарории реҷаи обёрии зироатҳои кишоварзӣ вобаста ба ҳосилнокии нақшавӣ, ки аз чор марҳила иборат аст, равшан дарҷ гардидааст. Инчунин дар ин дастур маълумот оид ба ҳисоббарории намнокии қабати фаъоли хок қабл аз обмонӣ, давраҳои инкишофёбии зироатҳои кишоварзӣ, усулҳои тартиб додани реҷаи обёрӣ, ки аз теъдод, меъёр ва санаи обмониҳо, мӯҳлати байни обмониҳо ва гидромодули онҳо иборат мебошанд, муфассал оварда шудааст. Баҳри тартиб додани реҷаи обёрии зироатҳои кишоварзӣ ҳангоми банақшагирии ҳосил истифодаи усули графоаналитикӣ ва аналитикӣ пешниҳод шудааст. Дар охир, мувофиқи моделҳои пешгӯии тағироти иқлим, принсипи мутобиқгардонии реҷаи обёрии зироатҳои кишоварзӣ ба тағирёбии иқлим оварда шудааст. Дастури мазкур бароии мутахассисони ассотсиатсияҳои истифодабарандагони об, хоҷагиҳои деҳқонӣ, муҳандисони идораҳои давлатии беҳдошти замин ва обёрӣ, кормандони вазорату идораҳои марбут ба истифодабарӣ ва ҳифзи захираҳои об, донишҷӯёни соҳаҳои гидромелиоратсия, аграрӣ, иқтисодиёти аграрӣ ва дигар истифодабарандагони об пешбини шуда, бо қарори Шӯрои методии Донишгоҳи аграрии Тоҷикистон суратҷаласаи №13 аз 02.07.2021 ба чоп тавсия шудааст.
  • Thumbnail Image
    Book (stand-alone)
    Дастури таълимии лоиҳакашӣ, сохтмон ва васлкунии системаи барқи офтобии обёрӣ ва обтаъминкунӣ 2022
    Also available in:
    No results found.

    Дар дастури таълимии мазкур зинаҳо, марҳила ва тартиби лоиҳакашӣ, сохтмон, васлкунӣ, санҷиш ва супоридани СБОО ба истифодабарандагон муфассал маълумот дода шудааст. Дар боби аввал маълумот оид ба зиннаҳои лоиҳакашии СБОО овара шуда, самтҳои муайян кардани нишондодҳои зарурӣ ва марҳилаҳои асосии лоҳакашии СБОО пешниҳод карда шудааст. Боби дуввум доир ба амалинамоии марҳилаҳои лоиҳакашӣ муфассал баён ёфта, аз тартиби ҷамъоварии маълумоти метеорологӣ, маълумот дар бораи макон, хок ва сарчашмаи обӣ оғоз меёбад. Сипас дар бораи ташхиси намудҳо ва ҷойгиршавии зироатҳои кишоварзӣ, муайян кардани обталабии онҳо оварда шуда, марҳиллаи интихоби ҷузъҳои асосӣ ва тарҳрезии СБОО баён гаштаааст, ки азсистемаи васлкунии офтобии беҳаракат ё ҳаракатнок, агрегати насоси барқии зеризаминӣ ё рӯи заминӣ, истифодабарии аз махзани об ё бе махзан ва усули обёрии қатрагӣ ё ҷӯякӣ иборат мебошанд. Пас аз арзёбии андозаҳо ва арзиши СБОО баҳодиҳии самаранокии молиявии кулли система оварда шудааст. Дар охири ин боб мавзӯъҳои интихоби пешакии таъминкунандагони пуриқтидор, баҳодиҳии нархномаҳо ва сифати пешниҳодгардида ва бастани шартнома бо таъминотчии беҳтарин баррасӣ шудааст. Дар боби сеюм масъалаҳои сохтмон, васлкунӣ ва ба истифода додани СБОО ба пуррагӣ оварда шуда, аз баррасии марҳилаҳои раванди корҳои сохтмонӣ ва васлкунииСБОО оғоз меёбад. Сипас дар бораи ташкили корҳои сохтмонӣ ва васлкунӣ гуфта шудааст, ки аз дарёфт кардани сохтмончӣ ва васлгари боэътимод ва банқшагирии корҳо оид ба тайёр кардани майдони васлкунии таҷҳизоти СБОО оварда шудааст. Дар идома масъалаҳои раванди сохтмон ва васлкунии таҷҳизоти СБОО амиқ оварда шуда, тартиби гузаронидани санҷиш ва қабули насоси фотоэлектронӣ, инчунин санҷиш ва қабули кулли система дарҷ шудааст. Дар интиҳои ин боб раванди ҳуҷатгузори ҳаммаи таҷҳизоти васлу санҷишшуда оварда шуда, масъалаҳои супоридани система ва омӯзонидани истифодабарии онҳоро ба истифодабарандагон дарҷ шудааст. Дастури таълимии мазкур барои мутахассисони соҳаи мелиоратсия, таҷдидсозӣ ва муҳофизати замин, захираҳои об, донишҷӯёну магистрон, аспирантҳо, унвонҷӯён, истеҳсолотчиён ва доираи васеъи кормандони илм ва амалияи кишоварзӣ пешбинӣ шудааст. Дастури методӣ оид ба «Истифодабарии системаи барқи офтобии обёрӣ ва обтаъминкунӣ» бо қарори ҷаласаи Шӯрои олимони Донишгоҳи аграрии Тоҷикистон ба номи Ш.Шоҳтемур (суратҷаласаи №13 аз 02.07.2021) ҳамчун дастури таълимӣ ба чоп тавсия ва тасдиқ карда шудааст.
  • Thumbnail Image
    Book (stand-alone)
    Тавсияҳо оид ба "Реҷаи обёрии зироатҳои кишоварзӣ дар ҳавзаи дарёи Зарафшон”-и Ҷумҳурии Тоҷикистон 2022
    Also available in:
    No results found.

    Тавсияҳо оид ба «Реҷаи обёрии зироатҳои кишоварзӣ дар минтақаи ҳавзавии Кофарниҳон»-и Ҷумҳурии Тоҷикистон дар асоси «Тавсияҳо оид ба реҷаи обёрии зироатҳои кишоварзӣ дар Тоҷикистон» дар ду ҷилд, ки таҳти роҳбарии д.и.к., профессор, корманди хизматнишондодаи кишоварзии Тоҷикистон Ҳ.Д. Домуллоҷонов бо иштироки н.и.т., ирригатори шоистаи Тоҷикистон Э.Г. Ваксман, д.и.к., профессор, корманди шоистаи илми Тоҷикистон Г.Ю. Шейнкин таҳия шуда, мутобиқи фармони якҷояи шӯроҳои Кумитаи давлатии аграрию-саноатии Тоҷикистон ва Вазорати хоҷагии оби Тоҷикистон (№282/129 аз 20 апрели соли 1988) барои истифодабарӣ, ҳамчун ҳуҷҷати меъёрӣ, таъин шуда буданд ва дар доираи лоиҳаи ТСР/TAJ 3703/C7 (ФАО) «Мустаҳкам кардани иқтидори миллӣ барои баҳодиҳӣ ба талаботи зироатҳои кашоварзӣ ба об шароитҳои гуногуни тағйирёбии иқлим» бо назардошти натиҷаҳои тадқиқотҳои солҳои охир ва принсипҳои идоракунии ҳавзавии захираҳои об дар соҳаи обёрӣ аз нав коркард ва ба забони тоҷикӣ ба чоп омода карда шуданд. Тавсияҳо оид ба реҷаҳои обёрии зироатҳои кишоварзӣ дар Ҷумҳурии Тоҷикистон мувофиқи нишондоди Кодекси оби Ҷумҳурии Тоҷикистон, Барномаи ислоҳоти соҳаи оби Ҷумҳурии Тоҷикистон барои солҳои 2016–2025 ва дар асоси принсипҳои Идоракунии ҳамгироёнаи захираҳои обӣ барои панҷ ҳавзаи дарё пешкаш мешаванд. Тавсияи мазкур реҷаҳои обёрии зироатҳои кишоварзиро дар ҳавзаи дарёи Зарафшон дар бар гирифта, ҳамчун ҳуҷҷати меъёрӣ эътибор дорад. Инчунин дар ин мавод усули мутобиқ намудани меъёри обёрии зироатҳои кишоварзӣ барои давраи ҳисобӣ бо назардошти дигаргуниҳо, ки ба тағйирёбии иқлим вобаста аст, пешкаш шудааст. Ин нашрия бо забони давлатӣ ба хонандагон пешкаш мешавад. Тавсияҳои мазкур бо қарори Шӯрои техникии Агентии беҳдошти замин ва обёрии назди Ҳукумати Ҷумҳурии Тоҷикистон (суратҷаласаи №3 аз 11.02.2022), Шӯрои методии Донишгоҳи аграрии Тоҷикистон (суратҷаласаи №13 аз 02.07.2021) барои истифодабарӣ қабул шудаанд.

Users also downloaded

Showing related downloaded files

No results found.