ການເກັບຂໍ້ມູນໄກ້ເວລາຈິງການລະບາດຂອງພະຍາດ ແລະ ແມງໄມ້

FAO

ການເກັບຂໍ້ມູນໄກ້ເວລາຈິງການລະບາດຂອງພະຍາດ ແລະ ແມງໄມ້

ພາກສ່ວນຂອງການບໍລິການຂໍ້ມູນພູມອາກາດສຳລັບກະສິກຳໃນລາວ, LaCSA

Year of publication 2022

Place of publication Vientiane, Lao People's Democratic Republic ;

Pages 8p.

Author FAO

Publisher FAO ;

Product type Brochure, flyer, fact-sheet

Full item page

Synopsis (short abstract) ແຜ່ນພັບດັ່ງກ່າວນຳສະເໜີເຄື່ອງມືທີ່ນໍາໃຊ້ການບໍລິການຂໍ້ມູນພູມອາກາດສໍາລັບກະສິກໍາໃນລາວ (LaCSA) ເພື່ອເກັບກຳຂໍ້ມູນສັດຕູພືດ ແລະ ພະຍາດໃນເວລາໃກ້ຕົວຈິງ. ຂໍ້ມູນການລະບາດຂອງສັດຕູພືດ ແລະ ພະຍາດໃນເວລາຈິງແມ່ນເກັບກຳໂດຍ ສູນປ້ອງກັນພືດຕັ້ງແຕ່ຫຼາຍປີທີ່ຜ່ານມາ. ພາຍໃຕ້ການຮ່ວມມືກັບ FAO, ຂໍ້ມູນດັ່ງກ່າວໄດ້ຖືກນໍາໃຊ້ເປັນສ່ວນຫນຶ່ງຂອງລະບົບ LaCSA ເພື່ອຜະລິດການບໍລິການຂໍ້ມູນພູມອາກາດສໍາລັບຊາວກະສິກອນໃນແບບລາຍອາທິດ ແລະ ປະຈໍາເດືອນ. ຮູບແບບການປ້ອນຂໍ້ມູນສັດຕູພືດ ແລະ ພະຍາດພືດທີ່ໃກ້ກັບເວລາຕົວຈິງ ແລະ ລາຍງານເຫດການແມ່ນໄດ້ຖືກນຳສະເໜີເຊັ່ນດຽວກັນ. ນອກຈາກນັ້ນ, ແຜ່ນພັບຍັງອະທິບາຍວ່າ ເຄື່ອງມືໃໝ່ນີ້ຊ່ວຍໃນການວາງແຜນຍຸດທະສາດ ແລະ ການຄຸ້ມຄອງພະຍາດພືດ ແລະ ສັດຕູພືດ, ເພື່ອປັບປຸງຄວາມສາມາດຂອງຊາວກະສິກອນໃນລະດັບທ້ອງຖິ່ນ, ແລະ ໝູນໃຊ້ເຂົ້າໃນການຜະລິດສິກໍາຢ່າງຕັ້ງໜ້າ. ສຸດທ້າຍ, ເອກະສານສະບັບນີ້ ໄດ້ອະທິບາຍວ່າ ໜ່ວຍງານຂອງລັດຖະບານ ແລະ ອົງການ NGO ລະດັບຊາດ ແລະ ທ້ອງຖິ່ນທີ່ເຮັດວຽກສົ່ງເສີມກະສິກຳ ສາມາດນຳໃຊ້ຂໍ້ມູນນີ້ເຂົ້າໃນໂຄງການສ້າງຂີດຄວາມສາມາດ ແລະ ການພັດທະນາຊົນນະບົດ.

Language Lao

Also available in:

English

Related items

Showing items related by metadata.

Booklet

ຫຼັກສູດຝຶກອົບຮົມດ້ານຄວາມຮູ້ພື້ນຖານໃນການເຮັດທຸລະກິດກະສິກຳ ສຳລັບ ຊາວກະສິກອນຂະໜາດນ້ອຍ
ຫຼັກສູດຝຶກອົບຮົມໃນການເຮັດທຸລະກິດກະສິກຳ ປະກອບມີ 5 ບົດ
2024

Also available in:

No results found.

ທຸລະກິດກະສິກຳແມ່ນກິດຈະກໍາດ້ານກະສິກໍາທີ່ຜະລິດສິນຄ້າແລະການບໍລິການທີ່ມີການແລກປ່ຽນແລະການຄ້າເພື່ອຕອບສະຫນອງຄວາມຕ້ອງການຂອງສັງຄົມແລະຍັງໄດ້ຮັບຜົນປະໂຫຍດຈາກກິດຈະກໍາເຫຼົ່ານີ້ ທີ່ມີຄວາມສຳຄັນໃນການປະກອບສ່ວນເຂົ້າໃນຄວາມກ້າວໜ້າດ້ານເຕັກໂນໂລຊີ, ສ້າງຄວາມເຂັ້ມແຂງໃຫ້ແກ່ເສດຖະກິດ, ປັບປຸງຊີວິດການເປັນຢູ່, ເພີ່ມລາຍຮັບຂອງລັດຖະບານ, ແລະ ຊ່ວຍເຫຼືອສະຫວັດດີການສັງຄົມ.ດັ່ງທີ່ຜ່ານມາ, ຊາວກະສິກອນຂະຫນາດນ້ອຍບໍ່ມີຄວາມຮູ້ພື້ນຖານທຸລະກິດກະສິກໍາ ບໍ່ມີຮູບແບບຂອງການຂາດການວາງແຜນທີ່ດີ ເຊິ່ງເປັນສິ່ງຂັດຂວາງຄວາມສໍາເລັດຂອງການດໍາເນີນທຸລະກິດ, ແລະ ເຮັດໃຫ້ມີການຂາດທຶນ.ດັ່ງນັ້ນ, ອົງການ ອາຫານ ແລະ ການກະເສດແຫ່ງສະຫະປະຊາຊາດ (FAO), ເຄືອຂ່າຍຊາວກະສິກອນລາວ (LFN), ໂຄງການບໍລິການ-ສົັ່ງເສີມກະສິກຳຮອບດ້ານ (LURAS), ແລະ ວິທະຍາໄລກະສິກຳ ແລະ ປ່າໄມ້ພາກເໜືອ ໄດ້ຮ່ວມມືກັນພັກທະນາຫຼັກສູດຝຶກອົບຮົມ ກ່ຽວກັບ ຄວາມຮູ້ພື້ນຖານຂອງທຸລະກິດກະສິກໍາ ທີ່ອອກແບບສະເພາະ ສໍາລັບ ຊາວກະສິກອນຂະຫນາດນ້ອຍ.ຫຼັກສູດຝຶກອົບຮົມຄວາມຮູ້ພື້ນຖານດ້ານທຸລະກິດກະສິກຳໃຫ້ແກ່ຊາວກະສິກອນຂະໜາດນ້ອຍ ປະກອບມີ 5 ບົດຄື: 1. ຄວາມຮູ້ທົ່ວໄປກ່ຽວກັບທຸລະກິດ; 2. ແຜນທຸລະກິດ ແລະ ແຜນການຕະຫຼາດ; 3. ແຜນການເງິນ; 4. ການເຂົ້າເຖິງທຶນ; ແລະ 5. ການລົງທະບຽນທຸລະກິດກະສິກໍາ.
Brochure, flyer, fact-sheet
ແຜນທີ່ເຂດພື້ນທີ່ການດໍາລົງຊີວິດ ແລະ ຄວາມສາມາດໃນການປັບຕົວຂອງ ສາທາລະນະລັດ ປະຊາທິປະໄຕ ປະຊາຊົນລາວ
ພາກສ່ວນໜຶ່ງຂອງລະບົບການຄຸ້ມຄອງຂໍ້ມູນຂ່າວສານຊັບພະຍາກອນທີ່ດິນ (LRIMS)
2021

Also available in:

English

ເອກະສານສະບັບດັ່ງກ່າວເປັນການນໍາສະເຫນີກິດຈະກຳຂອງອົງປະກອບທີສອງຂອງໂຄງການ “ ສ້າງຄວາມເຂັ້ມແຂງໃຫ້ແກ່ລະບົບຂໍ້ມູນຂ່າວສານ ແລະ ການຕິດຕາມສະພາບອຸຕຸກະເສດ ເພື່ອຊ່ວຍໃນການປັບຕົວເຂົ້າກັບການປ່ຽນແປງດິນຟ້າອາກາດ ແລະ ການຄໍ້າປະກັນສະບຽງອາຫານຢູ່ ສປປ ລາວ” ຈັດຂຶ້ນໂດຍການຮ່ວມມືກັບສູນສາກົນເພື່ອການກະເສດເຂດຮ້ອນ (CIAT) ໂຄງການ De Risk (ນຳໃຊ້ການຄາດຄະເນດິນຟ້າອາກາດຕາມລະດູການ ແລະ ວິທີການແກ້ໄຂປະກັນໄພແບບນະວັດຕະກຳໃຫມ່ ໃນການຄຸ້ມຄອງຄວາມສ່ຽງດ້ານສະພາບອາກາດໃນຂະແໜງກະສິກຳ ຢູ່ຂົງເຂດອາຊີຕາເວັນອອກສ່ຽງໃຕ້. ກົມຄຸ້ມຄອງ ແລະ ພັດທະນາທີ່ດິນກະສິກຳ (ຄພດກ) ພາຍໃຕ້ກະຊວງກະສິກຳ (ກປມ) ແລະ ສະຖາບັນຄົ້ນຄວ້າກະສິກຳ ແລະ ປ່າໄມ້ແຫ່ງຊາດ ໄດ້ຜະລິດຊຸດຂໍ້ມູນການດຳລົງຊີວິດແຫ່ງຊາດ ແລະຄວາມສາມາດໃນການປັບຕົວຄັ້ງທຳອິດໃນປະເທດ. ມັນໄດ້ຖືກສ້າງຂື້ນໂດຍໃຊ້ວິທີການໃໝ່ໆ ໃນການລວມເອົາການສ້າງແຜນທີ່ແບບມີສ່ວນຮ່ວມ, ແລະ ການຮັກສາຂໍ້ມູນທີ່ມີຄວາມກ້າວຫນ້າ/ທັນສະໄຫມ ແລະ ແມ່ນທັງສອງ, ດ້ານມາດຕະຖານເຕັກນິກ ແລະ ນະວັດຕະກຳດ້ານວິທະຍາສາດ, ທັນສະໄຫມ. ດ້ວຍການຮ່ວມມືຂອງທີມງານຂັ້ນເມືອງ ແລະ ແຂວງຫລາຍກວ່າ 300 ຄົນ, ສາທາລະນະລັດ ປະຊາທິປະໄຕ ປະຊາຊົນລາວ ແມ່ນປະເທດທຳອິດໃນຂັ້ນເສດຖະກິດທີ່ຜະລິດແຜນທີ່ປະເພດນີ້. ທີມງານແຫ່ງຊາດໃນປັດຈຸບັນສາມາດຈັດການການຜະລິດ ແລະ ການພັດທະນາຕໍ່ໄປຂອງຜົນຜະລິດທີ່ມີຄຸນນະພາບສູງຢ່າງອິດສະຫຼະ.
Brochure, flyer, fact-sheet
ການບໍລິການຂໍໍ້ມູນອຸຕຸກະເສດໃນປະເທດລາວ (LaCSA) 2021

Also available in:

English

ໂຄງການ “ສ້າງຄວາມເຂັ້ມແຂງໃຫ້ແກ່ລະບົບຂໍ້ມູນຂ່າວສານ ແລະ ການຕິດຕາມສະພາບອຸຕຸກະເສດ (SAMIS) ເພື່ອຊ່ວຍໃນການປັບຕົວເຂົ້າກັບການປ່ຽນແປງດິນຟ້າອາກາດ ແລະ ການຄໍ້າປະກັນສະບຽງອາຫານຢູ່ ສປປ ລາວ” ມີຈຸດປະສົງໃນການອອກອາກາດຂໍ້ມູນຂ່າວສານ ແລະ ການເຕືອນໄພອາກາດລ່ວງໜ້າໃຫ້ແກ່ປະຊາຊົນຢ່າງກວ້າງຂວາງຜ່ານທາງເວັບໄຊທ໌. ການປ່ຽນແປງດິນຟ້າອາກາດເຮັດໃຫ້ເກີດຄວາມເສຍຫາຍຢ່າງຮ້າຍແຮງຕໍ່ຂະແໜງກະສິກຳ ໃນທົ່ວປະເທດເຊິ່ງເກີດຈາກໄພນ້ຳຖ້ວມກະທັນຫັນ, ໄພແຫ້ງແລ້ງ, ພະຍາດພືດ ແລະ ໄພພິບັດທາງທຳມະຊາດ. ເພື່ອຕອບໂຕ້ກັບຄວາມສ່ຽງຂອງໄພພິບັດ, ການພະຍາກອນອາກາດປະຈຳວັນ, ອາທິດ ແລະ ປະຈຳເດືອນ ແລະ ການເຕືອນໄພອາກາດລ່ວງໜ້າ ແມ່ນມີຄວາມຈຳເປັນ ເພື່ອແຈ້ງໃຫ້ຊາວກະສິກອນຮູ້ທັນເວລາ. ການອອກອາກາດກ່ຽວກັບຄວາມສ່ຽງຂອງການພະຍາກອນອາກາດຈະເປັນປະໂຫຍດໂດຍກົງຕໍ່ຊາວກະສິກອນເຊິ່ງຜົນກະທົບຕໍ່ຜົນລະປູກຂອງຊາວກະສິກອນ ແລະ ຊ່ວຍໃຫ້ຊາວກະສິກອນສາມາດເຂົ້າເຖິງການພະຍາກອນອາກາດໄດ້ຢ່າງກວ້າງຂວາງຜ່ານທາງເວບໄຊທ໌.